An sace shanu sama da 1000 a Pilato

Sakataren kudi na kungiyar Miyatti Allah ta Fulani makiyaya reshen jihar Pilato Malam Salihu Jauro ya ce lamarin ya faru ne a kauyen Sit dake tsakanin Pankshin da Langtan ta arewa. Makiyayan na neman mahukunta da su basu cikakken tsaro tare da dabbobinsu. A mafi yawan lokuta dai satar shanu na haddasa rikicin kabilanci a yankin. Jihar Pilato ta sha fama da rikicin kabilanci da addini tsawon shekaru 14.